ميسون نعيم الرومي
اسمع .. يالكاظمي
ميسون نعيم الرومي
شعبك هاليوم ابصفـَّـك
للطغمه اوبالك تـِـنجـَـر
شعبك سندك بيه اوتعله
الدربـَـك..شهدائه اتنور
سيف الزمن.. ابخصرك
لونخيت.. انت التخســر
***
وطنك مـِنـْهار انتشلـَه
شـَـعبك يحميك.. اوينطر
اتشجع اســرع واتحـَـرر
بالنص لا توگف واتبرر
-(ابناگوط الحـِب) اتقرر ؟
والموت امحاصرنه اويفتر!
***
بـَـرلمان الشـَـر .. اتحِـلـَّه
خنجر..عَ الرگـبه اوينحـَـر
-(مكافحة الأرهاب) ابصفـَّك
صلاحِـيـه انطيه او أأمر
باكـبار الخـَونـَه اوتـبـدي
ازغـَـرهم وقـِـح اتـنـَـمـَّر
***
بالجـَـمع اشـــلع واقـلع
واحـد واحـد .. تـِـتـعـَـوَّر
صعبه البدوه.. اونـدري
اهجم باغتهم .. تـِكـبـَـر
-(المركزي) اومزاد العمله
للجاره المليارات ايصدر
***
-(يس او يم) اتضيع اوتدري
احـزاب اتعـَـسـها اتجـَـذَّر
ماضن شـَـعـْـبـَـك يصبـر
اسمع (يا لكاظمي) واتبصر
لو.. گمر اتصيـر.. اتـنـَـوّر
لو.. تاريخ اومزبلته.. التِـنـّطر
---------------
1 / تموز / 2020
سـتوكهولم