ارشيف مقالات وآراء

• "هولّاندي يطلب الجنسية السورية"!!!!! ناقصنا مصاريع؟؟!!!!

أشرف المقداد

"هولّاندي يطلب الجنسية السورية"!!! ناقصنا مصاريع؟؟!!!

طالعتنا وسائل الإعلام السورية بهذا الخبر واعتبرته مفرح جدا ويدل على "حكمة" " القيادة الحكيمة" لدرجة أن "الأجانب " أصبحوا يتدافشون على أبواب السفارات السورية ليطلبوا "الفيزا" السورية الثمينة جدا هذه الأيام.

وينط هؤلاء الأجانب على سفن لا تصلح للإبحار ويخاطرون بالغالي والرخيص ليصلوا إلى جنّات سورية الأسد, وطوابير الحالمين بالجنسية والفيزا السورية تمتد لأميال أمام سفارات سورية في لندن واستوكهولم وباريس ونييورك وحتى هنا في سيدني أستراليا والسفير مو قادر يحك راسو. فيك تلومون؟؟؟؟

واختفت طوابير السوريين أما السفارات الأجنبية في دمشق حيث "ماعاد حدا بدو يسافر ويغيب ولو حتى ليوم واحد عن جنة الله على الأرض سورية الأسد وخوفا على "مطرحهم" في سورية بحال أجنبي يقدر ياخذ محلن !!!!!!

اي طبعا.....شو عندن هني في بلادن مقارنة بيللي عنا؟؟؟؟

رئيس يخزي العين ....أحلى وأطول من كل "رؤسائهم (يخزي العين)

فرصة لتصبح مليارديرا في وقت قياسي وعمرك تحت الثلاثين كرامي مخلوف وذو الهمة شاليش.

فرصة لتعيش في أقل المدن تلوثا في العالم

فرصة للتمتع بأعلى "ضمان إجتماعي وتقاعدي" في العالم , فيك تقعد بالبيت وتصير ملياردير العمى لمين صارت هي؟؟؟؟؟ شوف طلاس وأولادو!!!! والضباط السوريين ,كل واحد وال بي إم دبليو قدام البيت!!!! اي وين بتصير هي؟؟؟؟

فرصة لتتمتع بأعلى رعاية صحية في العالم . فالدولة ترعى مواطنيها لدرجة أنها تمنع أي أخبار "سيئة" عن آذان الشعب(الحساس) تحت طائلة العقوبة "القانونية" لمن ينشر الدعايات الجارحة لشعور المواطن.

فرصة لأن تكون مواطنا في دولة تدخل في سجلات "غينيس " كل يوم .....في صحون الطعام الذي متوفر وببلاش للمواطن السوري .

الحرية أن تنتخب وتصوت ولشخص واحد وواحد فقط......فألله واحد والمرشح واحد فهيك بتدخل على الجنة وبتنتخب بآن واحد ...وين بتصير هي؟؟؟

وهذا يدل على حرص النظام على صحة المواطن "المخية" وتوفير جهوده في التفكير والحيرة بين المرشحين...فلا تهتم... الدولة في خدمتكن فهي تختار عنكم وإليكم....بس ابصموا هون وعيشوا بهالنعم ...لمين بتصير هي؟؟؟؟

فرصة لتتمتع بدخل "ثابت" مهما تغيرت الأمور واختلفت أو "تضخمت" في العشرين سنة الماضية ظل دخل المواطن "ثابت" ثبوت النظام نفسه" وما تغير أبدا......وليش الطفر؟؟؟؟

يعني بينلام هل الولد؟؟؟؟ حنسية متل هيك مطلوبة وحتى بالسوق "السوداء"

وأنا اليوم أبحث وبجنون عن جوازي السوري المنتهية صلاحيته منذ عشرين عاما لأثبت جنسيتي قبل ما تروح علي وعلى أولادي "هالجنسية" وعندما أجده سأكون أول واحد أمام مكاتب الحكومة الأسترالية لألغي جنسيتي الأسترالية وعلى السريع وأعود غانما منتصرا إلى حنسيتي السورية "ييلي ما في متلها ابدا!!!!

قولتكن بكون بعد الي محل ؟؟؟والا راحت علي؟؟؟؟

دخيل الله.....يارب ما تروح!!!!!

السوري ويانيالي

أشرف المقداد