خرخش افلوسك واشتري// ميسون نعيم الرومي

• 

تقييم المستخدم:  / 0

سيئجيد 

تم إنشاءه بتاريخ الأحد, 14 كانون1/ديسمبر 2025 11:09

كتب بواسطة: ميسون نعيم الرومي

الزيارات: 764

ميسون نعيم الرومي

للذهاب الى صفحة الكاتبة 

خرخش افلوسك واشتري

ميسون نعيم الرومي

من يشتري من يشتري

خرخش افلوسك وابتدي

افريقي شعب المبتلي

الماص عدهم والذهب

والموت لافي او ينتگي

جوع او مرض

نسل انگطع

دم انسفح

وين القلم

وين الأمم

بس المرض بس القتل

ماضل طفل ماضل صبي

افريقي شعب المبتلي

****

من يشتري من يشتري

خرخش افلوسك وابتدي

اطفال عدهم تغتصب

شبان يبلعهه البحر

نسوان تبچي وتنتحب

ذبحو بعض….

شنهي السبب

وين السبب؟

جوع او فگر..

ضيم او قهر

صاروا  خبر..

يمشي او يمر

ايوه نعم ايوه بلي

الشعب الافريقي مبتلي

*******

من يشتري من يشتري

خرخش افلوسك وابتدي

عصر العبيد الرجع

 افريقي ينباع او يشتري

لو عبد مخصي لو ولد

غلمان او جواري ...عجب

-(موريتانيا) اسأل و(اشياد)-

النيجر بنغازي...

او مالي او سودان

بسكوت.. رد السبي

لا الله يرضه او لا نبي

مجلس امن ويه الامم

لا بيه نفع لا بي دفع

شاخت اوكبرت عجزت

صارت ثگل ويه النفس

المن يربي نشتكي ؟

لا بچي الينفع لا حچي

خرخش افلوسك واشتري

شعب الافريقي المبتلي

مبتلي

……………………….                                                    

13 / 12 2025

الســويد

• < السابق
• التالي >